10/Outubro/09. Acto de entrega do I PREMIO ALTA CAPACIDADE GALEGA 2009

-Referencias Prensa:
>>La Voz de Galicia: noticia sobre ASAC e refrencia do premio Alta Capacidade
>>El Correo Gallego: noticia na edición Santiago
>>TVG: Noticia no Telexornal mediodía e Telexornal noite

-Fotos do acto

____________________________

Outubro/09. O día 10 de outubro, ás 12h, terá lugar o acto de entrega do I PREMIO ALTA CAPACIDADE GALEGA 2009, no salón de actos da Facultade de Psicoloxía da Universidade de Santiago.

O acto será presentado por Jorge Mira e contará coa presencia dos premiados, D. Ángel Carracedo Álvarez e D. Avelino Pousa Antelo, e coa actuación musical de Emilio Cao. Haberá tamén unha proxección de fotografías das actividades realizadas pola ASAC durante o curso pasado.

____________________________

Setembro/09. O xurado do I PREMIO ALTA CAPACIDADE GALEGA 2009, reunido o día 19 de setembro na Facultade de Psicoloxía da USC, acordou conceder o galardón, nesta primeira convocatoria, a:
• Sr. Ángel Carracedo Álvarez, catedrático de Medicina Legal da USC, polo seu amplo labor investigador no campo da xenética molecular, unha especialidade na que é pioneiro e na que chegou a deseñar pautas e modelos de actuación que hoxe se aplican a nivel internacional.
• Sr. Avelino Pousa Antelo pola súa entrega permanente a Galicia no desempeño dos seus labores como docente, escritor, político e animador cultural.

Este premio quere tamén recoñecer a humildade, sinxeleza e cordialidade con que estas dúas persoas se dedican ó progreso científico, social e cultural de Galicia.

____________________________

Maio/09. BASES e convocatoria 2009 do premio "ALTA CAPACIDADE GALEGA".

____________________________

Abril/09. A Asociación Galega de Altas Capaciades, coa colaboración da Unidade de Estudo e Investigación da Superdotación da USC, convoca a primeira edición do premio "ALTA CAPACIDADE GALEGA", coa intención de distinguir a aquelas persoas que grazas á sua entrega, creatividade, capacidade, talento e esforzo, contribúen ó progreso científico, ó incremento do patrimonio cultural e ó desenvolvemento social de Galicia.

____________________________